مرشد البذال

قصيدة أسندهاالشاعرالكبير مرشد البذال للشاعر الكبير زبن بن عمير العتيبي نختار منها قوله:

يا زبن ماضيت السنين اعسفتني

خلصت من طرد العذارى وصديت

نيست متعبت القلوب ونستني

الا نهار السبت بالسوق مريت

شافت عيوني شوفة كلفتني

يا ليت عيني طاوعتني وصديت

يا زبن ليتك شفت عفرا وطتني

مثل الفتاة اللي شعتها الاصاويت

مشغولة في شغلها واشغلتني

تتلي عجوز مشيها مشي خريت

بغيت أصد وفرصتي ما عطتني

السوق ضيق والأوادم تفاخيت

ماجور يا متن دحمته بمتني

عز الله اني كان عورته اخطيت

فقد أجابه الشاعر الكبير زبن بن عمير العتيبي بقصيدة أذكر منها:

لبيك يا منهو بقيله نعتني

رحبت بالمكتوب غايه وهليت

طالعت في مبنى البيوت وشفتني

عن ما مضى من شرح ما اخفيت ما ابديت

جتني بيوت معجزه وافرحتني

ضحكت من بعض المعاني وجضيت

جضيت من صدفات قد صادفتني

من شد ما جاني تجرعت حلتيت

يا بو سعد دنياك كد صلفقتني

عديت ليتني من العدي مليت

قصتك يا مرشد تراها ادهشتني

وذكرت شوف مكثرات التلافيت

واللي كوتك بهرجها كد كوتني

لاشك انا لمبادل الهرج رديت
وحدبا الظهرعن حاجتي مانحتني
ياماورى مدبح ظهرهاتخطيت
حتى بشهب اعيونها مارهبتني
قلبي يعلمني عن الحي والميت