المهاجر
عدد المساهمات : 189 تاريخ التسجيل : 16/11/2011
| موضوع: بأسبانيا ياما نظرنا من الزين الثلاثاء مايو 14, 2013 3:22 am | |
| بأسبانيا ياما نظرنا من الزين
وين انت يا اللي توعجة شبابه
يسجع لها طير الهوى بالجناحين
ويشوف شيء عندهم ما هقا به
أوقف على الشارع ضحى يوم الاثنين
تشوف زين ما يعدد حسابه
أشكال واجناس كما شرد العين
هاك الخشوف اللي طوال رقابه
الا ومع هذا من الغدر امينين
نزيلهم كنه من اقرب قرابة
يظهر من الغرفة ويرجع بعد حين
والله فلا تلمس مخابي ثيابه
سيراتهم حلوة وهم مثل حلوين
لا تسمع الشحذة ولا به نهابة
بالخصلتين الطيبة مستبدين
يقوله الشاعر بمثني جوابه
والثانية يا اللي تعرف القوانين
تلقى الزبيدي في محير السحابة
بيض مصاليع لها مستضيحين
والزين توه ظاهر من ترابه
قلته وانا مقفي مع اللي مقفين
مير البلا من حب شي حكى به
فان كنت انا مخطى ترى الناس مخطين
خطا البنادم زايد عن صوابه
ولا عاد لي في تبع الاقصا والادنين
هيدوك يا اللي توعجة شبابه | |
|